admin

Amaitu da 2022 Gaitasun Digital Profesionalen Programaren lehen edizioa

9 May, 2023 Por admin

Amaitu da 2022 Gaitasun Digital Profesionalen Programaren lehen edizioa

2022ko deialdian parte hartu dute 192 enpresak Giza Baliabideetan eta Digitalizazioan adituak diren 14 aholkularitza-taldek eman diete aholkularitza sektore guztiei

Gaitasun digital profesionalak ezinbesteko baldintza dira lehiakortasuna handitzeko eta Euskadiko enpresa-sarea osatzen duten erakundeek merkatuetan duten posizionamendua indartzeko.

Ezinbestekoa da enpresa bakoitzaren egoera ezagutzea, erakundea osatzen duten pertsonen gaitasun digital profesionalak aztertu eta hobetzeko planak ezartzeko.

SPRIk sustatutako Gaitasun Digital Profesionalen programak GGBBko eta Digitalizazioko adituen aholkularitza espezializatua eskaintzen die Euskadiko enpresei. Aholkulariek probatutako metodologia erabiltzen dute, IKANOS eredua, eta modu pertsonalizatuan eta doan aplikatzen dute. Metodologia horrek Europako Batzordearen DigComp esparru kontzeptuala erabiltzen du gaitasun digitalen diagnostikorako tresna praktikoak sortzeko, lantalde bakoitzaren beharretarako egokienak diren prestakuntza-planak abian jartzeko.

Gaitasun Digital Profesionalak Programak eskaintzen du:

Gaitasun Digital Profesionalen arloko aholkularitza espezializatu eta pertsonalizatua lortzea.
Europako DIGCOMP ereduan oinarrituta garatutako IKANOS eredua ezartzea.
Plantillako gaitasun digital profesionalak diagnostikatzeko plana definitzea eta ezartzea.

Laster jarriko da abian Gaitasun Digital Profesionalen 2023 Programa!

Ez galdu aukera hau eta eskatu informazioa programaren edizio berrian parte hartzeko.

DigComp 2.2ren euskarazko itzulpena

14 December, 2022 Por admin

DigComp 2.2ren euskarazko itzulpena

digcomp euskeraz

DigComp 2.2ren euskarazko bertsioa eskuragarri dago kontsultatzeko eta deskargatzeko. Eusko Jaurlaritzako Ekonomiaren Garapen, Iraunkortasun eta Ingurumen Sailak, Ikanos ekimenaren barruan, Gaitasun Digitalen Europako Esparrua argitaratu du euskarazko 2.2 bertsioan.

2022ko apirilean, Ikerketa Zentro Bateratuak (JRC), Europako Batzordearen zientzia- eta ezagutza-zerbitzuak, esparruaren 2.2 bertsioa argitaratu zuen. Azkarrago zabaltzeko, JRCk aukera eskaini zuen eta hainbat erakundek itzulpenak egin dituzte Europako hizkuntza desberdinetan. Gaztelaniaz «Somos Digital» elkarteak egin du

Argitalpenak bi zati ditu: DigComp 2.2 esparru integratuaren berrikuspena eta DigComp-erako dagoen erreferentzia-materialaren panoramika eskaintzen duen bigarren zatia: aurretik argitaratutako argitalpenak eta erreferentziak. DigComp 2.2 esparru integratuak 250 adibide berri baino gehiago eskaintzen ditu, teknologia digitalekin modu fidagarrian, kritikoan eta seguruan erlazionatzen laguntzen dieten ezagutzak, trebetasunak eta jarrerak aplikatzeko, baita teknologia berriekin eta sortzen ari direnekin ere, hala nola adimen artifizialak bultzatutako sistemekin (IA)

Sakatu deskargatzeko

SPRI Taldeak enpresa txiki eta ertainei premiazko laguntzak eskaintzen dizkie, enpresan telelana ezartzeko

26 November, 2020 Por admin

SPRI Taldeak enpresa txiki eta ertainei premiazko laguntzak eskaintzen dizkie, enpresan telelana ezartzeko

Aurrekontua 2,3 milioi eurotik gorakoa da, eta telelana bultzatzeko Industria Digitala programa aldatu du.

SPRI Taldeak, enpresa-garapenerako euskal agentziak, argitaratzen du euskal ETEei zuzendutako laguntzen programa, enpresan telelana ezartzeko. Programa hau Ekonomiaren Garapen eta Azpiegitura Saila euskal enpresari COVID-19ren ondorioen aurka laguntzeko abian jartzen ari den premiazko laguntzen paketearen barruan kokatzen da. Jaurlaritzaren laguntza berezien orriaren eta SPRI Taldearen bitartez eskuratu ahal izango da.

SPRIk aldatu egin ditu Industria Digitala programako ekintza subentzionagarriak, telelana errazteko eta helburu horrekin zabalik dagoen Inplantalariak programaren ekintzak osatzeko. Ehunka euskal ETE interesaturik agertu dira Inplantalariak programan.

Informazio gehiago